馬鞍山海旁入到篤，福安花園一個屋苑商場，裡面幾乎都是街坊店舖。商場外邊，有一間小店，淺木色招牌，左下角有個藍色小 logo，下面寫著 All day，原來是間甚受街坊歡迎的老火湯店，賣的還有不少手作小吃如手包燒賣及餃子。
Text：Kin Photo：Day
無味精老火湯 馬鞍山街坊支持
這小店主打湯水，追逐時令，每日輪換。印度椰子鮑魚 烏雞湯、花膠螺頭黑杞子湯、五指毛桃椰子合桃湯等等，有袪濕有滋養，為街坊提供一點關懷。老火湯也很足料，而且不落味精，每一啖也吃到食材的精華。
大大塊花膠，膠原甚豐，飲完黐嘴， 心靈得以滋潤。
袪濕湯，豬肚洗得乾淨，煲到軟腍，蓮子百合 茨實落到足，抵食。
手包元貝燒賣 每日限量120粒
店子也賣小食，滷水蛋、 雞翼、粉粿、阿媽水餃，還有人氣的燒賣。燒賣每日新鮮手做，每日限量百二粒，用新鮮脢頭豬肉，冬菇、馬蹄全部切碎，又落蠔油、胡椒粉、黃薑粉等調味料一併撈勻。為了做好，每天八點就開始煲湯買餸，一個人預備全部食物。但唯獨燒賣，店開一點，她十二點左右才開始做燒賣，差唔多排到最後一刻。「係呀，啲嘢要新鮮就係咁，好似馬蹄，我要買有泥，返嚟自己洗自己㓟皮，啲㓟好皮嘅冇晒味，我唔用。」豬肉也是一樣，瑤柱用原粒乾貝蒸熟拆絲，就連燒賣皮都專登由荃灣楊屋道街市老粉麵店入貨，貪其質素較好。
豬肉有咬口，馬蹄粒好爽， 又有元貝的香氣， 口感味道十分豐富。
韭菜豬肉饀，每天鮮包即烚， 鮮甜爆饀。還有椰菜豬肉饀， 稱作阿椰水餃，鬼馬。
燜得夠腍又入味，淡淡藥材味， 幽香四溢，一吮骨肉分離。
馬鞍山老火湯店的老闆Oreo，別看看她年紀輕輕，原來已為人母。年少時母親外出上班，她就擔起伙頭重任，長大後也以餐飲為業，年前結婚，有了小孩，才和幾個拍檔合作，在馬鞍山開間小店賣老火湯和小食。福安商場位置少少隔涉，但反而清靜，有份悠閒感，客人可以坐耐點，更容易儲到熟客。「隔涉唔緊要，反正嘢食好就幾隔涉都有人嚟。」她信心滿滿的說。
ALL DAY我地
地址： 馬鞍山鞍駿街49號福安花園商場地下50號舖（顯示地圖）
電話： 5911 6754
The post 馬鞍山老火湯店 足料靚湯＋手包餃子＋元貝燒賣日賣120粒｜區區搵食 appeared first on 新假期.