沙田全新Freshall沙角市場正式開幕！佔地27,000呎，場內特設小食街，有超過10多間食店，包括多款掃街小食，如泰式船湯河、港式車仔麵、養生米線和台式飲品等，選擇多多，小食店更營業至凌晨1am，街坊又多個宵夜好去處！
撰文：Sakura 圖片來源：Scott、沙角市場
沙田沙角市場 10多間掃街小食店進駐！
沙田全新Freshall沙角市場於6月30日開幕，佔地27,000呎，以森林樹木為設計主題，市場設有小食街，有超過10多間食店進駐，包括多款掃街小食，如泰式船湯河、港式車仔麵、養生米線、台式飲品等，款式多樣，更開至凌晨1am，唔怕深夜肚餓無嘢食！
記者率先介紹9間食店！
1.手作功夫茶
源自台中的新晉台飲店，早前進駐粉嶺華明市場，今次於沙角市場再開新店！主打是大家熟悉的珍珠奶茶、 黑糖珍奶、水果茶、芝士奶蓋等。手作功夫茶以高成本的優質蜂蜜代替果糖，甜度可選少蜜、半蜜、微蜜或無蜜，令飲品更順口解渴！
黑糖珍奶口感順滑，清暑解渴。
芝士奶蓋帶玫瑰鹽鹹味，抹茶味香濃。
2. 燒賣王子
主打自家手工燒賣及各款港式小食，燒賣每日新鮮即包，在傳統的燒賣再加點新嘗試，推出全港首創黑、白燒賣以及香濃咖喱魚蛋。
燒賣魚肉味濃郁，墨魚肉粒粒爽口。
3.豐味豬手
豐味豬手老闆曾從事飲食業，今次與家人首次創業。店子主打西式焗製肉食，每日新鮮即製，其中招牌蜜糖黑椒烤豬手，豬皮薄身，配上秘製醬汁，相當惹味。
豬皮薄身，肉質較軟嫩，加上蜜糖的甜和黑椒的香，送飯一流！
雞翼肉質鮮嫩，味道香濃。
4.名店車仔麵
名店車仔麵主打車仔麵和街頭小食，配菜多達20款，全是傳統經典選擇，如紅腸、豬皮、雞翼等，再配上自家秘製辣醬，非常滋味！
雞翼肉質鮮嫩，味道香濃刺激。
5.腸粉王
腸粉王主打腸粉和各款街頭小食，其中格仔餅最吸引，份量足料，很厚身，食落鬆軟，花生醬味香濃。
份量足料，花生醬味香濃。
6.川香閣
川香閣主打四川風味菜式，其中招牌重慶酸辣粉，薯粉煙韌有咬口相當惹味，另還有多種香料配製勁辣魚蛋，魚蛋彈牙，麻中帶辣。
薯粉煙韌有咬口，相當惹味。
魚蛋彈牙，麻中帶辣。
7.玲食蜜語
玲食蜜語主打櫃桶式腸粉和港式小食，腸粉每日即叫即製，熱騰騰，食落香滑富米香，另生菜牛肉餅，食落爽口。
食落香滑富米香
食落爽口，肉味濃郁。
8.包點先生
包點先生主打多款中式包點，其中全新登場的極致流沙奶黃包，一捏即流心，鹹蛋味濃郁。
一捏即流心，鹹蛋味濃郁，勁正！
9.好煮意
好煮意以健康食物為主，主打藥膳養生米線 ，湯底熬製超過5小時，招牌藥膳醉雞米線，湯底香濃藥材味，醉雞入味軟腍。
湯底香濃藥材味，醉雞入味軟腍。
FRESHALL沙角市場
地址：沙田沙角街5號沙角市場（顯示地圖）
電話：從缺
營業時間：星期一至日 7:00am-1:00am
The post 沙田沙角市場小食街開幕 開至凌晨1點！芝士奶蓋茶＋烤豬手＋墨汁燒賣｜區區搵食 appeared first on 新假期.